Hää' Uma Pido sõbra'!

2008. aastaga keväjä Võrol ja Kubija laululaval olnu Umalõ Pidolõ tull' perrä tõnõ pido 2010. aastaga 29. mail Põlvan Indsikurmun. Tahassi, et nii nakkasigi olõma – vahtsõnõ Uma Pido kõrdamüüdä Võru ja Põlva maakunnan! Kolmas Uma Pido tulõ sõs jäl' Võrol 1. juunil 2013. 

Et vahtsõt pito kergemb uuta olõs, tetäs vaihõpääl konkursse, kontserte, vast antas vällä mõni lauluplaatki... ja 2012. aastaga sügüses saa valmis kolmanda pido noodivihk. Kõgõst annami teedä' seo kodolehe pääl uudissidõ lingi all.

Oodami, et ka kolmas pido om laulu pido tuun kõgõ parõmban mõttõn ja pand uman keelen laulma kõik pidolisõ', mitte õnnõ nuu', kiä püüne pääl omma'. Vana Võromaa kihlkundõ vaim, ummi juuri tähtsäspidämine ja lõunaeestiline nal'alinõ ilmakaeminõ olkõ tähtsä' ka tulõvaisi pitõ man!


Uma Pido kõrraldaja'
 

KAE' KA UMA PIDO AORAAMATUT (BLOGI): http://umapido.wordpress.com